Dobleng
paghihinagpis ang nararanasan ngayon ng pamilyang Gabayno matapos na bawian na
rin ng buhay ang ama ng 20-anyos na nursing student na pinatay.
Ayon
kay Toto Gabayno, kamag-anak ng mga biktima, itinakbo sa Oriental Mindoro
Southern District Hospital ang 47-anyos na si Roden Gabayno nang magreklamo ito
nang paninikip ng hininga habang natutulog ito noong Nobyembre 17.
Sinubukan
pa itong i-revive ng mga doktor ngunit binawian na ito ng buhay bandang alas
kuwatro ng madaling araw.
Ayon
pa kay Toto, hindi umiyak ang kaniyang pinsan sa burol hanggang sa ilibing ang
anak nito nito lamang Sabado, November 13, 2026.
Sinabi
pa ni Toto na nagsabi si Roden sa misis nito na
hindi na niya kaya ang sakit na nararamdaman sa pagkawala ng kanilang
anak.
“Tapos
‘yun po, parang nanginginig ‘yung kaniyang katawan. Tapos noong madaling araw
nang matulog, nagulat na lang sila noong ginising si Roden, wala na po siya,” ayon
kay Toto.
Si
20-anyos na nursing student na si Altheia ay patay na nang matagpuan sa madamong
bahagi ngg Barangay Sapul, Calapan City noong madaling araw ng November 7, kung
saan nagtamo ito ng maraming saksak sa katawan
Agad
namang sumuko sa mga otoridad ang 26-anyos na umano’y boyfriend nito.
