| Twins Alfredo and Aylin, Alfredo was born on December 31, 2021 while Aylin was born on January 1, 2022 |
Kapag sinabing twins
o kambal, iisa ang assumption na pareho sila ng birthday.
Bagama’t may
pagkakataon na magkaiba ang araw ng kapanganakan ng kambal, ngunit bihirang
mangyari na magkaiba na ang birthday, magkaiba pa ng taon.
Ito ang nangyari sa anak
nina Fatima Madrigal at Robert Trujillo, ang proud parents ng twin babies na
ipinanganak nitong nakalipas lamang na bago mag-Bagong Taon at noong Bagong
Taon.
Ang kambal na sina
Aylin Yolanda Trujillo at Alfredo Antonio Trujillo ay ipinanangak sa Natividad
Medical Center sa Salinas, California.
Si Aylin ang unang
nai-record ng nasabing ospital at nang buong Monterey County na ipinanganak sa
taong 2022 at tumitimbang ng 5 pounds at 14 ounces kung saan ang
kaniyang birthday ay naitala nang 1/1/22.
Ngunit bago pa man
isinilang si Aylin ay nauna ng 15 minutes ang kaniyang twin brother na si
Alfredo, kung saan ipinanganak naman ito ng December 31, 2021, dahilan upang
maging magkaiba ang kanilang birthday at ang taon nang kanilang kapanganakan.
Si Alfredo ay
ipinanganak nang 11:45pm nang December 31, 2021 at pagkatapos ng labinlimang minuto,
saktong alas dose ng hatinggabi, ay ipinanganak naman si Aylin, kaya’t
itinuturing na one in two million chance para sa kambal na magkaiba ang petsa
at ang taon ng kapanganakan.